Bodil Lunde Rørtveit er artist og komponist. Ho har ei omfangsrik stemme med stort uttrykksregister, og syng ofte instrumentalt, utan tekst. Sjangermessig har ho ein variert bakgrunn som tilsaman skapar ein unik stil, og ho resonnerer med uttrykk som urkraft og raffinert musikk. I tillegg til eigne verk og konsertar, er ho ein del av komponistduoen SAGN, som produserar konseptuelle og visuelle musikkforestillingar. Deira siste forestilling, Sustain, hadde urpremiere under Festspillene i Bergen i 2017, og biletet av Bodil i den ikoniske, blå plastposekjolen er noko som mange kjenner igjen. I 2020 blei Sustain framført i ein utvida versjon saman med Bergen Filharmoniske Orkester.